Töfraljós Gallerý opnar aftur...

eftir erfiða mánuði í veikindum.

Ég hef lítið komið heim síðan í byrjun mars, en fór þá í smá aðgerð sem varð að einhverju mikilu meiru en sem betur fer er ég komin heim og á bataleið, en ekki enn komin með kraft til að vinna.

Vefverslunin hefur verið opin allan tímann og því hefur eitthvað minnkað í hillunum.

Hef sjálf lítið skoðað í hillurnar hjá mér en eitthvað er uppselt eða lítið til af, svo von mín er að ég fari fljótlega að geta unnið.

Gleðiefni eru alltaf mörg og stundum með tragískum undirtóni eins og að fá þetta glæsilega túristagos full snemma og kannski liggja mannanna verk undir en við búum á róstursamri eyju og getum átt von á jarðskjálftum og eldgosum allt í kringum landið en síst á Vestfjörðum og Austfjörðum ef fólk er að hugsa um að skipta um búsetu þá eru þetta öruggustu staðirnir gagnvart þessu.

Við hér á Selfossi horfum á uppbyggingu miðbæjarins hér með spenningi þetta verður fallegt þorp sem minnir á Grjótaþorpið og gömlu húsin þar í kring niður við Aðalstrætið í RVK nema hér verður vonandi meira líf :)

Þangað til næst, kær kveðja,

Helga í Töfraljósum