Jólasnjórinn er að mæta um allt land

Við fengum loksins smá smjörþef af snjó hér á suðurlandinu, ekki var það mikið sem betur fer segjum við en nóg til að birta upp þetta svartasta skammdegi sem er að mæta nú í desember.


Hér er opið má segja megnið af sólahringnum, hægt er að hafa samband og koma til okkar á kvöldin eftir kl. 19.00 sumir vilja fá að taka sinn tíma í að velja gjafir handa sínum og við erum alltaf tilbúin að sinna okkar fólki. Við viljum benda á að þeir sem koma hér í galleríð og eru eldri borgarar fá 10% afslátt af verðinu hér hjá okkur, en þar sem við getum ekki séð á fólki hvort það sé komið á þennan yndislega aldur, biðjum við þá að láta okkur vita.



Við höldum áfram að gera ilmkerti fyrir jólin, en brátt förum við í að spá í vormánuðinna, og þá koma fleiri gerðir af kertum inn eins og hjörtun okkar vinsælu, en þau eru eingöngu gerð í janúar og febrúar, það er töluvert maus að gera þau og við viljum frekar taka tíman í þau þegar ekkert álag er á mannskapnum hér.


Gleðilega Aðventu, þanngað til næst kær kveðja Helga

12 views

TÖFRALJÓS - ILMKERTAGERÐ - KERTAGALLERÝ

Sími: 8936804

Fossheiði 5, 800 Selfoss

©2017 BY TÖFRALJÓS - ILMKERTAGERÐ - KERTAGALLERÝ.